Transcript of Willie Revillame's Speech on Willing Willie, April 8

Sa April 23 po , magsisix months na po ang programa natin-- anim na buwan na po tayo.  Noon hong March 12, nagkaroon po ng problema which is nagreact po ang lahat… after one week. Yun pong bata na si Janjan na sumayaw daw po nang malisyoso at hinusgahan na po ako ng mga sangay ng gobyerno. Sinabi nila na inabuso ko yung bata, chinild abuse ko yung bata, inexploit ko yung bata dahil daw pinasayaw ko raw ng pinasayaw. Dahil umiiyak na raw ho yung bata, pinilit ko pang sumayaw.

Alam niyo ho, una sa lahat, pagnagkakaroon ho kami ng auditions hindi ko ho nakakausap lahat ng mga contestants sa Wil Time Big Time. Dito ko lang ho namimit yan. So kaya if you will noticeyung eksena na yon, tinanong ko siya kung anong kakantahin mo.  Sabi niya, "Hindi po ako kakanta, sasayaw po ako."  Eto pong bata na ito ay anim na taon lamang eh. Ang kanyahong father binati pa niya na may parlor. So hindi po namin alam ang buhay ng ating mga kababayan. Sana ho magcecelebrate kami ng anim na buwan sa 23…tayo…tayong lahat.

 Kanina ho, for the past days, marami ho akong pinagdaanan eh. Nung nasa ABS pa ako, nagkaroon ng stampede 71 dead people. Sa morgue ho, magisa lang ho akong lumalapit, wala ho akong mga kasama na boss ng ABS. Ako lang po yun.  Wala ho akong kasama. Ako po ang humingi ng tawad sa pamilya. Ako rin po ang humingi ng tawad sa mga bangkay- 71 dead people. Sa mga nanay ako po ang humingi ng tawad. Pitumpu't isang bangkay ho, lumuluhod ako. Hanggang minumura ako ng ibang pamilya. Lahat ng mura ho inabot ko. Pero after ng mura yinayakap ako. "Kung hindi ka lang mahal ng magulang ko, papatayin kita Willie. Pinuntahan ka ng nanay ko kasi birthday ng nanay ko. Pinuntahan ka ng nanay ko-- kagabi nagpamanicure pa siya kasi nanay ko labandera lang, Willie. Para daw pag hinawakan mo daw siya, maganda yung kamay niya. "

Marami hong istorya na totoong naexperience ko. Noong ho nakaburol ang lahat ng mga yan, ako lang ho ang pumupunta magisa, sarili kong pera. Hindi ko na ho ito dapat sabihin pa pero ito po ang pinaka-grabeng grabeng kampanya na tanggalin ho ako sa industriya. Ako po ang humihingi ng tawad sa pamilya. Ako po ang humaharap. Alam po ng Panginoong Diyos iyan. Sa sarili kong pera, inaabutan ko nang palihim yang lahat na mga yan. Bumalik ho ang programa at minahal niyong lahat. Naniniwala po ako na yung mga pitumpu't isang mga yon, mga nanay at lolo na namatay, pinagdadasal ako lagi. Nilalapit po ako sa Diyos na sana eh lagi akong nandito. Kaya ho naniniwala ako na narito pa rin ako.

Nagkaroon  po kami ng problema, yung Wilyonaryo, dayaan, hanggang nagkaaway kami ni Joey De Leon dahil nangdadaya daw ako yung ganon gmga salita. Nagkaayos na po kami, nagkaayos na po kami ni Joey. Malaki na ho ang respeto ko sa tao na yan, kay Vic Sotto at sa Eat Bulaga. Nagkaroon ng problema, ako nanaman ang hinarap ng ABSCBN non. "Ikaw na ang makipagusap sa tao".  Na hindi ko ho kasalanan iyon. Kasi ho kaya ko sinasabi lahat ito kasi ho matagal akong nanahimik. Tumahimik po ako sa sarili ko na lang tinitiis kasi hindi ko na ho pinoproblema yang mga yan. Ako na lang tirahin, tahimik na lang po ako.

After ng Wilyonaryo, nagkaroon po ng insidente: Ang well-loved president, the late Tita Cory Aquino. Ang lahat po nang sasabihin ko ay totoo lamang.Hindi po ako magsisinungaling sa inyo at alam ng mga tao yan. Nong ako po ay pumasok, may tumawag sa akin na si Tita Cory ho ay wala na. So nagisip ho agad ako at tinawagan ho ako ng aming direktor na nirerespeto ko at minamahal ko Mr. Johnny Manahan. Sabi niya, "Willie wala na ang ating well-loved president na si Tita Cory. Ano ang nasa isip mo?" Bigla po akong tumawag sa EP at pinakuha ko lahat ng video niya saTVPatrol ang sabi ko kakanta ako ng "Munting Hiling". Pakuha ka ng kandila at magdasal tayo. Magbigay tayo ng respeto. Yan po ang araw na namatay si Tita Cory. Kumanta ako ng munting hiling, kung makikita nyo ang tape na yan, very solemn ho yun at nagbigay kami ng respeto. And Ms. Kris Aquino texted me, sabi "Willie, mahal ka ng nanay ko kasi pagnanood siya". Kahit nung nasa ospital pa si Tita Corytinetext ako ni Kris, kasi daw kinikiss daw ako sa TV dahil favorite ng mga anak niya yung kanta ko pati si Tita Cory.

After ho nun gpangyayari na yun, kinabukasan, dapat ho eh magtatape kami.  Taping na lang po iyon eh. Sinabi ko ho sa management na ibigay na lang natin to sa mga Aquinos. Kasi, bakit pa tayo magshoshow: sasayaw ako ng giling-giling, magsasaya kami pero nagluluksa ang samabyanan. Noong una ho nagtaping kami. Nung nagtataping kami, kasi ho ng araw na yun tape. Para ho maintindihan nyong lahat kasi grabe na akong tirahin sa dyaryo, sa Inquirer, sa internet, sa twitter. Para gusto nila mamatay na ako sa mundo-- para mawala na ako sa mundong ito.Ganon ho ang ginagawa sa akin ngayon. So after ho nun, live yun at I'm sure nanonood ang ABS CBN at totoo to. Wag na wag kayong magsisinungaling, kahit saan tayo umabot haharapin ko ito. After po nun, sinabi ko po to, sa tape: Okay, nung nakatape po kami, inilabas po. Walang nakakaalam nito eh, sasabihin ko na po lahat to. Sobra na po ang kampanya laban sa akin. Lumabas ho kami sa screen sumasayaw ng giling giling yung kabong ni Tita Cory. Tumawag ako agad sa isa sa mga boss, kay Ms. Linggit Tan. "Ano ba naman kayo, nagsasasaya tayo. Nagluluksa ang sambayanan. Papasukan nyo kami ng ganyan. Nakakahiya sa mga Aquino.." Tinaggal nila yon. Tinanggal ho iyon, so nagreact sila sa sinabi ko. Pinasukan kami, nagsasaya kami, sumasayaw kami ng giling giling meron hong kabaong ng mahal nating presidente? Ang bastos bastos naman. At ako ho ang tumawag sa management. "wag niyo namang gawin iyan sa amin. Nakakhiya sa mga Aquino. Nagsasaya kami habang ang buong bayan nagluluksa. Parang wala kaming respeto."

Ano hong nangyari? Ang nangyari eto, alam ng Diyos to. Tutal ginaganyan nyo ako sassabihin ko nang lahat. Tumahimik ako para walang problema. Kasuhan ninyo ako, haharap ako. Isa ho sa management, ang sabi ko "Ibigay na natin to sa mga Aquino," Anong sabi sa akin? "Kailangan nating kumita-- commercial." Alam mo kung sino ka at haharapin kita. Sobra na ang ginagawa niyo sa akin. Sinabi po yan.

Pagkatapos non at humarap na naman ako live. During the Willie of Fortune may sumasayaw ho na babae na Nobody Nobody. Inilabas nanamn ho ang kabaong ni Tita Cory. Kung marerecall nyo yun, dun ulit ako nagalit. Kasi nilabas nanaman po eh,  tumawag na po ako sa managemen. Anong ginawa ng mga walang-hiyang sumisira sa akin? Pinakita po iyon sa YouTube na galit na galit daw ako. Binabastos ko daw ang presidente. Alam niyo ba ang puno't dulo nun? Yun ho ang totoo non. Bago pa man mangyari yan, tumawag ako sa management, kinausap ko sila, "Wag naman nating palabas yan, magbigay tayo ng respeto." Ano nanamang ginawa sa akin? Winasak nyo nanaman ako sa Twitter, sa YouTube. Hindi nyo pinanood yung kabuuan a thindi niyo po alam. Isang tao lang po ang nanindigan sa akin. Direktor ko po iyon sa Wowowee. Mr Johnny Manaha. Mr. M. Palakpakan natin ho ang tao na iyon. Dahil alam na alam niya ang katotohanan at andon po siya. Sa pamilya Aquino, sa presidente, ito po ang katotohanan.

Pagkatapos ho niyan, Wilyonaryo, Stampede, eto na naman. Babalik na ho ako sa Wowowee July 31. Kinausap na ako ni Ms. Charo Santos. Nagmiting na po ako sa mga staff ko. Pinintahan ako ni Ms. Linggit Tan sa bahay ko sa tagaytay. Meron ho kaming pinadalang sulat na piandala ko kay Jobert dahil isang bubong lang kami, tinitira ako sa isang bubong. Tapos na yan, nangyari na yan. So ang pakiusap ko naman sa management. Siguro naman ho kumikita ang programa ng Wowowee. Anong ginawa nila? Wala silang ginawa. Noong sumulat ho ang abogado ko sa kanilang lahat diyan, sa laht diyan, kay Ms. Cory Vidanes, kay Sir Gabby, kay Mam Charo, nagreact pa sila.Anong balak nila sa aking gawin? Istop yung show. At bigyan na lang ako ng once a week show. Pero babalik na sana ako. Pero isang araw tinawagan na lang ako ni Linggit Tan. Tinawagan ako, nagmeeting kami sa isang hotel, sa Imperial, sa isang kwarto, nandoon si Direk Bobot, Si Jay ang aking Business Unit Head. Ang sabi ho nila"Hindi ka na makakabalik, once a week ka na lang." Nilalagay pa ako sa Studio 23. Nilalagay ako sa isang programang parang totally out na ako. Bakit ho? Eh nangako sila na babalik na ako. Yan ang totoo nyan. Kaya nagdesisyon na ako na hindi na ako babalik. Eto lahat ng ito ay totoo.

Tapos ito, nangyari na naman ito. Sino ba ang gumagawa nito sa paninira ko? Meron ho kaming kaso pa eh. Hindi kami makuhanan ng TRO. Pilit nilang kunin, kinuhuha, para po itong programa ko ay mapahinto, ang programa natin mapahinto. Limang buwan na ho mahigit hindi nila makuhanan ng TRO. Eto po ngayon, nakakita ng butas. Hindi ko sila pinagbibintangan. Sinong gagawa nito? Kung sino man to, mahabag kayo. Kung ako okay lang eh. Mabubuhay naman ako. Kuntento na ako sa kung anong meron ako ngayon. Hindi na ako naghahanagad. Pero yung mga taong naghahangad, yung taong humihingi ng pagasa, yung mga pumipila sa labas, yung mga nanay, yung mga special children, mga special child na nandito araw-awa- kayo ang gumawa niyan. Kung sususpindihen nyo ang show, hindi naman ako natatakot na eh, lagi nyo naman akong ginaganyan eh. Ilang beses nyo akong tinganggal sa ABS, pero  pag kailangan ng ratings, tatawagan ka ibabalik ka di ba?

Wag niyo na akong lagyan ng music.

So yan ang pangyayyaring yan. Ngayon nakipagusap ako sa TV5 management. Ilang araw na po akong nagiisip. Ang sabi ko po sa kanila, itong mga tao na toayaw na akong tigilan. Hanggang ilibing na po ako ng buhay. Tinira po ako sa twitter, yung kay Janjan. Ang pinakita po, yung pinutol, inisplice na video ang pinakita. Pinuersa ko daw na sumayaw, pinaiyak ko daw, chinild abuse ko yung bata. Panoorin nyo ang buon segment ng Wiltime Bigtime kung papaano. Ni hindi ko nga alam yung nagsasayaw na bata.  Pinaglaruan ko daw. Wala ho ni isa dito sa studio na nakaisip na may malisya dun sa bata. Nakadamit yung bata. Nakayos yung bata. Sumasayaw na ho ng ganon. Four yrs old pa lang si Janjan sinasayaw na yun sa kanyang eskuwelahan sa mga pakontes yun na po ang sayaw ng bata. Ngayon anong ginawa ng DSWD, kinasuhan na po ako, inakusahan na agad ako na child abuser ako. Anon hong ginawa ng CHR, Commission on Human Rights, yun ho hinusgahan na ako. Inexploit  ko yung bata, Chinild Abuse ko. Lahat ho dito inakusahan ako. Sa diyaryo dinodrawingan ako ng monster. Kung mababasa nyo ho yan, hindi ko na binabasa, sinasabihan na lang ako.  Lahat ho ganun ang ginawa sa akin. Lahat ho yang mga tao na yan.

Eto ho yung mga mayayaman. Hindi naman ako naapektuhan eh dahil ang puso ko wala sa kanila, nasa mga mahihirap.

Gusto ko lang ulit ipaliwanang sa inyo na yung P&G, naglabas ng statement na napakasakit sa amin. Sila ho ay nagpull-out na. Yung Inasal nagpull-out na rin. Dahil may statement sila na…tulad ng Proctor &Gamble…napakasakit ho ng ginawa nila sa amin. Medyo masyadong personal. Na ayaw nilang maglagay sa isang programang ganon. Na yong behavior ay hindi maganda. Wala ho kaming kasalanan, wla ho akong kasalanan. Humingi na ako ng paumanhin sa inyo kung may na offend. Pero hindi ako humihingi ng tawad kasi ho wala akong ginawang masama sa bata na iyon. Hindi ko minolestiya ang batang iyon.

Gusto ko namang magpasalamat ho sa Unilever. Sila ho ay nagpaalam sa akin kagabi. Mineet ko po sila kagabi. Sobra po. Yung Surf, Rexona, Vaseline, Pepsodent. Alam niyo ho ang purpose nila magbigay ng saya. Gustong ibalik nila pag binili yung produkto. Naglabas sila ng statement. Ang sabi nila, "Willie aalis kami sa programa mo. Pero aalis kami sa lahat ng channel. In fairness sayo, para hindi ka unfair." Palakpakan natin ang Unilever.

Wala pa pong husga eh, wala pa pong kaso. Ginawa nyo na akong criminal. Kayo nga ho ang lumabas ng gate. Mamigay nga kayo ng pera diyan sa mga matatanda. Bumaba   nga kayo diyan sa labas ng kanto. Bigyan nyo yung mga naghihirap diyan. Yun dapat ang ginagawa niyo. Hindi yung pinupuntirya nyo ako. Yun dapat ang ginagawa niyo. Di ba?

Maraming mga artistang nakisawsaw. Magisip mun akayo bago kayo makisawsaw. Ang sakit niyo. Yan si Jim Paredes ng APO tinira ako sa twitter. Yan si Aiza Seguerra tinira ako sa Twitter. Si Agot Isidro, Leah Salonga, Mylene Dizon, Bianca Gonzales ng SNN. Susuportahan niyo ba ang mga tao na yan? Anong ginawa niyo sa samabayanang  Pilipino? Sino pa? Si Tuesday na kasama ko dito na hindi ko maintindihan tiga dito ka tinira mo ako. K Brosas. Lea Navarro. Kapwa tayo artista. Nagbigay ba kayo ng tulong? Nagbigay ba kayo sa Bantay Bata ng P1Milyon? Wag kayong manghusga ng kapwa nyo artista. Dapat magsama sama tayo. Tulungan niyo kami. Wag kayong manghuhusga. Tandaan niyo, ang masang Pilipino ang sumusuporta sa inyo. Yang mga tao na yan, winasak ang pagkatao ko sa Twitter.

Jim Paredes ng Apo. Lea Salonga. Aiza Seguerra, magpakalalake ka. Tandaan mo yan. Batang bata ka pa, nagtratrabaho ka na. Hindi ba exploitation yan. Magisip ka. Tingnan niyo muna ang sarili niyo bago kayo manghusga. Agot Isidro, wala ka namang anak eh bakit mo ako gaganyanin? Alamin mo muna. Bianca Gonzales. Akala niyo kung sino kayo. May natulungan ba kayong mahihirap?

Kaya  ko lang ho sinasabi ito, nagtitimpi lang ako. Ayaw ko tong sabihin. Ayoko hong banggitin ang pangalan nila pero yan ho ang ginagaw sa akin sa Twitter. Ang wasakin ako.

Tinawagan ho ang Technomarine sa Switzerland. Tinawagan sa America ang Unilever. Tinawagan lahat, inemail. Boboycott daw sila sa mga produkto pag ako daw ho ay sinamahan nila. Boboycottin niyo? Eto nga mga taong ito binabalik lang ng mga sponsors. Sino ba ang consumers? Sino ba ang namimili? Kayo ho ang bida dito, hindi ho ang mga sponsors. Dahil kung hindi kayo bibili sa mga sponsors, kung hindi kayo bibili ng mga produktong ito, wala. Hindi kikita itong mga to. Sinasabi ko sa inyong lahat yan.

Ako po, hindi po ako tumutulong nang nasa harapan niyo lang. Pero hindi ko na kailangang sabihin ito. Pasensiya na ho kayo hindi ako emosyonal hindi ako nagagalit. Pero sana bago kayo tuminin sa kapwa niyo, tumingin muna kayo sa salamin. Ano ang nagawa ko sa bansa ko? Ano ang nagawa ko sa bayan natin?

Bakit? Dahil sinoportahan ko si Senator Villar ganito ang tingin niyo sa akin? Nakita ko yung tao maganda ang puso. Nakita ko yung tao tumutulong sa mahihirap. I'll stick with him. Orange ang kulay ko kaya pinagiinitan niyo ako? Haharap ako sa inyo. Patawag ako ng Kongreso, patawag ako ng Senado at kung sino pa. Haharap ako dahil wala ho akong ginawang masama sa batang iyon.

Gusto ho nilang mahinto ang programa. Halos 200 tao ho ang nandito. Galing halos ABS yang mga yan sumama sa akin. Kung masama po akong tao, walang sasama sa aking mga tao at dancers. Yung iba po diyan 25 years, 18 years na sa kanila.

Ngayon po, nakipagusap po ako sa presidente ng  TV5, Atty Rey Espinosa. Nagusap kami na hanggang ngayon na lang po ako sa Willing Willie. Magpapahinga na muna po ako, hindi po ako magpapaalam. Starting po today ang live namin , bukas ho nakatape na po kami. Lalabas ho yon mapapanood niyo. Starting ho ng Monday hanggang Holy Week, pagiisipan ko ho kung ako po ay babalik pa sa industriyang ito. Bigyan niyo lang po muna ako ngpagkakataon sa sarili ko. Masyado ho akong binintangan ng binintangan ng wala ho akong ginawang masama sa akin. Sa mga tao hong gumawa niyan sa aki, ang isipin niyo yung mga matanda na nasa labas, mga bata, mga mahihirap sa labas. Wag ako. Instrumento lang ako ng mga tao. Wag niyo akong kainggitan dahil hindi ako lumalabas ng ibang lugar. Lagi lang ako nandito sa studio na to sa bahay ko o nakikipagpaligsahan sa inyo. Kung kayo ang magaling, magaling kayo. Basta ang puso ko, nandito sa mga mahihirap.

Humihingi lang rin ako ng paumanhin kay Boss MVP nadamay kayo dito. Atty Rey Espinosa, Sir Bobby, at sa lahat. Pasensiya na muna kayo at wala muna ang Willing Willie. Hindi ho kami nasuspinde. Wala hong suspensiyon ang MTRCB. Wag ho kayong magalit sa MTRCB. Nagpalit ho sila ng tatlong board. Bakit?  Lahat ho ng mga yon involved sa ABSCBN. Yung isang abogado, asawa nasa ABS. Yung isa, asawa sa ABS. Si Ms. Lea Navarro, biruin niyo hinusgahan na ako sa tweet tapos isa siya sa mga board. Hinusga ka na sa akin eh tapos  member ka ng board. Alam niyo ho dapata suspended ang show.Suspended last night for 20 days 30 days. May tumawag sa akin from MTRCB. Hindi sila buo doon. Meron din pong galit sa desisyon nila. Dapat ho suspendido kami, pero anong nangyari? Pinutol. Kasi pinakita namin yung mga babae na sumasayawa sa Going Bulilit na naka-bra lang. Pinakita namin yung apat na lalake na naka lampin na sumasayaw din sa Showtime tulad ng kay Janjan.  Bakit kami lang? Kung sususpindihin niyo kami, suspindihin niyo lahat yan. Hindi ba tama yon/

Iba ang tinititigan niyo sa tinititigan niyo. Maging fair po kayo. Tandaan niyo hindi ako titigil sa adhikain na ito.

Maaring ito ay eye-opener sa atin. Dapat ho tulungan natin ang mga bata sa kalye. DSWD, kunin nyo lahat yan. Bigyan nyo ng magandang buhay. Human Rights, Chairman, tinitira nyo ako hinuhusgahan niyo ako , ang daming namamatay na OFWs. Yun ang tulungan natin. Oh alam nyo ba? Nagbigay ako ng kalahating milyon umuwi lang dito yung OFW sa Lebanon. Nagbigay po ako. Binanggit ko bayan? Sasabihin ko lang sa inyo, gumawa ako ng paraan. Nagbigay ako ng isang milyon kay Mam Charo. Sa 71 dreams, 500. Hindi ko lang alam kung sa Bantay Bata o sa isa pa. Binigay ko ho yan. Binabanggit ko ba sa inyo yan? DI ba? Meron bang may gumagawa niyan? Kung may gumagawaniyan, mabuti. Sama-sama tayo, wag nyo akong gitgitin. Hindi ako masamang tao. Ang hangad ko lang ay magpasaya at tumulong sa mahihirap.

Basta nangangako ako. Kahit ho wala kaming commercial. Basta pag balik ko. Nakausap ko po ang presidente ng TV5 kahit ho isakripisyo ko na ang sweldo ko. Yun po ang bibigay kong papremyo. Itutuloy po namin at kasama ko ang TV5. Lahat ng perang makukuha namin, kahit inabandona kami ng mga commercial, kahit iniwan nila kami, kahit wlang isang commercial. Tutuloy namin to. Ang aming purpose ay magbigay ng saya at ng pagasa. Hihingi ako ng tulong sa aming presidente, hihingi ako ng tulong kay Manny Pangilinan. Kahit malugi daw kami.

Maraming salamat sa inyo. Mawawala ho kami ng dalwang linggo o kung ano man. At kung babalik man kami, may panibagong pagasa ulit. At bibigyan namin ng proteksyon ang mga bata at pamilya na tulad ni Janjan. Kami na ang gagawa niyan.

Marami pong salamat at pasensiya na ho kayo. Kahit idemanda ako ng ABS, haharap ako dahil hawak ko lahat ang katotohanan. May mga lalabas pong witnesses pag sinabi ko. Tandaan niyo po, yung mga sponsors po na iniwan ako, wag po kayong magalit sa kanila. Meron silang mga boss sa abroad.

Tsaka yung mga tumitira sa akin sa twitter., kung idedemanda ka ng TV5, idedemanda rin kita. Magdedemandahan tayo. Idedemanda ko lahat ng tumira sa akin sa Twitter, lahat ng personal. Tandaan nyo yan.

Salamat ho sa inyo. Basta tandaan niyo. Itong programang ito matitigil muna. After Holy Week, magaanounce ho kami kung tuloy pa ang Willing Willie o hindi na. Sa mga nangangarap at humhingi, ipagdasal niyo po ako. Si janjan po, inaaruga ko ang pamilya niya.  Dahil ang kailang po nila ay mga tao na kakalinga sa kanila. Wala pong kumakalinga sa kanila. Lahat po ng taong lumalapit sa kanila minumura sila. Dahil daw ang tatay ay bading, lalong binababa. Pero ako, anong ginagawa ko, tinatawagan ko ang pamilya kinakamusta ko. Yan ho ang gawin niyo DSWD, marami pa pong bata ang katulad ni Janjan.

Maraming salamat po. Magandang gabi sa inyo. Mahal na mahal ko kayo, at sana ipagdasal niyo na makabalik pa ang programang ito.